مشكلتي مع جفره او حفره بالطريق وقصتي مع الامانه
15
3
إضغط هنا للإخفاء
السلام عليكم ورحمة الله وبركاته
كيف حالكم ياخوان
اليوم بتكلم عن قصتي مع جفره بالطريق كسرت علي الجنط مثل ما تشوفون بالصور
المشكله ياخوان اني كلمت الامانه وجو عند الموقع ونجم بعد جو لكن يقولون احنا مالنا دخل
دقيت على المرور ولطعني ساعه والوقت كان متاخر تقريبا الساعه 12:40
انا طفشت ومشيت قلت بجلس ساعه ثانيه عشان جنط بس انا كنت ابيه يكتب لي تقرير عشان ارفع شكوى على الامانه مو عشان التعويض
لكن للاسف مافيه اي تجاوب
انا مشيت وبعدها بربع ساعه دق علي المرور وقال وينك حنا بالموقع قلت انا قريب من الموقع
قال اجل الوصف غلط قلت لا مو غلط انا عند المكان الفلاني قال انا موجود قلت بدور لين القاك خلك واقف
دورت المرور في كل مكان ولا لقيته شكله جالس يطقطق علي
جلست ربع ساعه ثانيه وشفت مافيه تجاوب ومشيت وخليته
رحت ركبت الجنط ولله الحمد حصلته بعد معاناة من عدم توفره في المحلات او قطع الغيار حتى
سيارتي نوعها سوناتا 2008
اتمنى من الامانه او زفلتت الشوارع بالاهتمام قدر الامكان وقد تسبب هذه الجفر بحوادث قد لا تحمد عقباها
الامانه قالوا لي ماهي مشكلتنا هذي ولو بغيت تقرير لازم المرور يجي واحنا ما نقدر نعطيك تقرير
اذا كلامهم غلط اتمنى تعلموني عشان اشتكيهم
تم اصلاح الحفره امامي من قبل الامانه وتم شكري على التبليغ
إبلاغ
اخوي صالح با سنبل الجنط صيني نعم ما حصلت اصلي نظيف ابد كلها مكسره ومرشوشه ومعفطه وانا مابي اركب الا حق الشد بلد ماحب الترقيع
اخوي صوديوم الله يعينك والله الواحد اذا شاف مصيبة غيره هانت عليه مصيبته والله يكون في عونك والعوض من الله وانا اخوك
اذا بتجلس تطارد ورا هالامانه مانت بطالع بحاجه عشان كذا انا اخذتها من قاصرها وشريت جنط ومابي منهم لا تعويض ولا شي
لكن مبلغ اصلاح سيارتك عالي جدا واتمنى انك ما تتخاذل معهم وتطالب بحقك الى اخر الدنيا والله معك وانا اخوك
قبل 9 سنه و 7 شهر